Daikh le Shakl Meri, Kiss ka Aayena Hoon Mein - by Molvi Haider Hassan

This is one of my favs. Therefore the repost:

"Yaar ki shakl hoon aur yaar mein fanaa hun mein, " kalaam of Hazrat Baydum Shah Warsi

Recital by Haider Hassan, the son of the great Maulvi Ahmed Hassan.

tumharey husn ko hasal ghuroor mera hai

sharab tum ho to os mein suroor mera hai

issi ko kehtey hain shayad, taaluq-e-khatir

safar pe tum ho, aur badan chur chur mera hai

Daikh le shakl meri, kiss ka aayena hoon mein

Yaar ki shakl hoon, aur Yaar mein fanaa hun mein

Apni har saans mein awaaz mein payee unki

Apni soorta mujhey soorat nazar ayee unki

Yaar ki shakl hoon, aur Yaar mein fanaa hun mein

Pehley apni shakl par, usne banaya hai mujhey

Phir meri soorat pe daikho, khudhi shaida ho gaya hai woh

Tu mujh mein baqaa hai, mein tujh mein fanaa hun

Tu mujh mein ayaan hai, mein tujh mein niha hun

Tu mujh mein khuda hai, mein teri anaa hun

Na tu hi juda hai na mein hi juda hoon

Yaar ki shakl hoon, aur Yaar mein fanaa hun mein

Pata lagaye koi, ya mere patey ka pata

Mere patey ka pata hai, hai keh lapata hoon mein

Aye jigar hai meri hasti ki haqeeqat itni

Tujh mein aabad hein sab, mein kahin abaad nahin

Mujhee ko daikhlein, bas tere daikhney waale

Tu ayina hai mera , tera aiyena hun mein

Mein mit gaya hoon to, phir kiss ka naam hai Bedam

Voh mil gaye hein to, phir kiss ko dhoondhta hoon mein