O des aane wale bata from Tasawwuf on Vimeo.
O des se aane vaale bataa..
1.
O des se aane vaale bataa
kis Haal meN haiN yaaraan-i-vatan
aavaarah-i-Ghurbat ko bhii sunaa
kis rang meN hai kan’aan-i-vatan
vuh baaGh-i-vatan, firdaus-i-vatan
vuh sarv-i-vatan, raiHaan-i-vatan
O des se aane vaale bataa
2.
kyaa ab bhii vatan meN vaise hii
sar-mast nazaare hote haiN
kyaa ab bhii suhaanii raatoN ko
vuh chaaNd sitaare hote haiN
ham khel jo khelaa karte the
kyaa ab bhii vuh saare hote haiN
O des se aane vaale bataa
3.
kyaa ab bhii pahaaRii ghaaTiyoN meN
ghanghor ghaTaa’eN guuNjtii haiN
saaHil ke ghanere peRoN meN
barkhaa kii sadaa’eN guuNjtii haiN
JhiiNgar ke taraane jaagtey haiN
moroN ki sadaa’eN gooNjtii haiN
O des se aane waale bataa
4.
kyaa ab bhii vahaaN ke baaGhoN meN
mastaanah havaa’eN aatii haiN
kyaa ab bhii vahaaN ke parbat par
ghanghor ghaTaa’eN chhaatii haiN
kyaa ab bhii vahaaN kii barkhaa’eN
vaise hii diloN ko bhaatii haiN
O des se aane vaale bataa
5.
kyaa aam ke uuNche peRoN meN
ab bhii vuh papiihe bolte haiN
shaaKhoN ke Hariirii pardoN meN
naGhmoN ke Khazaane kholte haiN
saavan ke rasiile giitoN se
taalaab meN am-ras gholte haiN
O des se aane vaale bataa
6.
kyaa ab bhii fajr-dam charvaahe
rewaR ko charaane jaate haiN
aur shaam ko dhuNdhle saayoN ke
hamraah ghar ko aate haiN
aur apnii raseelii baaNsuriyoN meN
‘ishq ke naGhme gaate haiN
O des se aane vaale bataa
7.
kyaa sham paRe galiyoN meN
dilchasp andheraa hotaa hai
aur saRkoN kii dhuNdlii sham’oN par
saayoN kaa baseraa hotaa hai
baaGhoN kii ghanerii shaaKhoN meN
kis taraH saveraa hotaa hai
O des se aane vaale bataa
8
kyaa gaa’oN meN ab bhii vaisii hii
mastii bharii raateN aatii haiN
dehaat kii kam-sin maah-vasheN
taalaab kii jaanib jaatii haiN
awr chaaNd kii saadah raushanii meN
rangiin taraane gaatii haiN
O des se aane vaale bataa
9.
kyaa ab bhii vahaaN vaisii hii javaaN
aur madh-bharii raateN hotii haiN
kyaa raat-bhar ab bhii giitoN kii
aur pyaar kii baateN hotii haiN
vuh Husn ke jaaduu chalte haiN
vuh ‘ishq kii ghaateN hotii haiN
O des se aane vaale bataa
10.
kyaa gaa’oN pih ab bhii saavan meN
barkhaa kii bahaareN aatii haiN
ma’suum gharoN se bhor bahe
chakkii kii sadaa’eN aatii haiN
awr yaad meN apne maike kii
bichhRii huii sakhiyaaN gaatii haiN
O des se aane vaale bataa
11.
kyaa ab bhii vahaaN barsaat ke din
baaGhoN meN bahaareN aatii haiN
ma’suum-o-Hasiin doshiizaa’eN
barkha ke taraane gaatii haiN
aur tiitariyoN kii taraH se raNgiiN
JhuuloN par lahraati haiN
O des se aane vaale bataa
12.
kyaa ab bhii vahaaN ke panghaT par
panhaariyaaN paanii bhartii haiN
aNgRaa’ii kaa naqshah ban ban kar
sab maathe pih gaagar dhartii haiN
aur apne ghar ko jaate hu’e
haNstii hu’ii chuhaleN kartii haiN
O des se aane vaale bataa
13.
kyaa ab bhii vahaaN meloN men
vahii barsaat kaa joban hotaa hai
phaile hu’e baR kii shaaKhoN meN
JhuuloN kaa nasheman hotaa hai
umDe hu’e baadal hote haiN
chhayaa hu’aa saavan hota hai
O des se aane vaale bataa
14.
shaadaab shiguftah phooloN se
ma’muur haiN gulzaar ab, kih naheeN
baazaar maiN maalan laatii hai
phooloN ke guNdhe haar ab, kih naheeN
aur shauq se TuuTe paRte haiN
nau-’umr Khariidaar ab, kih naheeN
O des se aane vaalea bataa
15.
kyaa pahle sii hai ma’suum abhi
vuh madrase kii shaadaab fazaa
kuchh bhuule hu’e din guzre haiN
jis meN vuh misaal-i-Khvaab fazaa
vuh khel, vuh ham-sin, vuh maidaan
vuh Khvaab-gah-i-mahtaab fazaa
O des se aane vaale bataa
16.
kyaa ab bhii mahakte mandir se
naaquus kii aavaaz aatii hai
kyaa ab bhii muqaddas masjid par
mastaanah azaaN tharraatii hai
aur sham ke rangiiN saayoN par
‘azmat kii jhalak chhaa jaatii hai
O des se aane vaale bataa
17.
O des se aane vaale bataa
kyaa ab bhii puraane khanDaroN par
tariiKh kii ‘ibrat taarii hai
Anpuurnaa ke ujRe mandir par
maayuusii-o-Hasrat taarii hai
sunsaan gharoN par chhaa’onii kii
viiraanii-o-riqqat taarii hai
O des se aane vaale bataa
18.
kyaa ham ko vatan ke baaGhoN kii
mastaanah fazaaeN bhuul ga’iiN
barkhaa kii bahaareN bhuul ga’iin,
saavan kii ghaTaaeN bhuul ga’iiN
daryaa ke kinaare bhuul ga’,
jangal kii havaaeN bhuul ga’iiN
O des se aane vaale bataa
19.
kyaa ab bhii kisii ke siine meN
baaqii hai hamaarii chaah, bataa
kyaa yaad hameN bhii kartaa hai ab
yaaroN meN koii, aah, bataa
lillah bata lillah bataa lillah bataa
O des se aane vaale bataa
20.
aaKhir meN yih Hasrat hai kih bataa
vuh Ghaarat-i-iimaaN kaisii hai
bachpan meN jo ‘aafat Dhaatii thii
vuh ‘aafat-i-dauraaN kaisii hai
ham donoN the jis ke parvaane
vuh sham’-i-shabistaaN kaisii hai
O des se aane vaale bataa
21.
MarjaanaaN thaa jis kaa naam bataa
vuh Ghunchah-dahan kis Haal meN hai
jis par the fidaa tiflaan-i-vatan
vuh jaan-i-vatan kis Haal meN hai
vuh sarv-i-chaman, vuh rashk-i-vatan
vuh siim-badan kis Haal meN hai
O des se aane vaale bataa
22.
ab naam-i-Khudaa ho gii vuh javaaN
maike meN hai yaa susraal ga’ii
doshiizah hai, yaa ‘aafat meN use
kam-baKht javaanii Daal ga’ii
ghar par hii rahii yaa ghar se ga’ii
Khush-Haal rahii, Khush-Haal ga’ii
O des se aane vaale bataa Lillah bata,
Lillah bata, Lillah bata, Lillah bata
---------
او دیس سے آنے والے بتا کس حال میں ہیں یارانِ وطن؟
آوارۂ غربت کو بھی سنا کس رنگ میں ہیں کنعانِ وطن
وہ باغِ وطن، فردوسِ وطن، وہ سرو ِوطن، ریحانِ وطن
او دیس سے آنے والے بتا!۔
کیا اب بھی وطن میں ویسے ہی سرمست نظارے ہوتے ہیں
کیا اب بھی سہانی راتوں کو وہ چاند ستارے ہوتے ہیں
ہم کھیل جو کھیلا کرتے تھے، کیا اب بھی وہ سارے ہوتے ہیں
او دیس سے آنے والے بتا!۔
کیا ہم کو وہاں کے باغوں کی مستاتہ فضائیں بھول گئیں؟
برکھا کی بہاریں بھول گئیں، ساون کی گھٹائیں بھول گئیں؟
دریا کے کنارے بھول گئے، جنگل کی ہوائیں بھول گئیں
کیا گاؤں میں اب بھی ویسی ہی، مستی بھری راتیں آتی ہیں؟
دیہات کی کمسن ماہ وشیں، تالاب کی جانب جاتیں ہیں
اور چاند کی سادہ روشنی میں رنگیں ترانے گاتی ہیں
کیا گاؤں پہ اب بھی ساون میں برکھا کی بہاریں آتی ہیں؟
معصوم گھروں سے بُھوربَہِی چکّی کی صدائیں آتی ہیں؟
اور یاد میں اپنے میکے کی بچھڑی ہوئی سکھیا گاتی ہیں؟
کیا اب بھی پرانے کھنڈروں پر تاریخ کی عبرت طاری ہے؟
انپُرن کے اجڑے مندر پر مایوسی و حسرت طاری ہے؟
سنسان گھروں پر چھاؤنی کی ویرانی و رِقّت طاری ہے؟
او دیس سے آنے والے بتا!۔
شاداب شگفتہ پھولوں سے معمور ہیں گلزرا اب، کہ نہیں؟
بازار میں مالن لاتی ہے، پھولوں کے گندھے ہار اب، کہ نہیں؟
اور شوق سے ٹوٹے پڑتے ہیں، نوعمر خریدار، اب، کہ نہیں؟
او دیس سے آنے والے بتا!۔
کیا اب بھی وہاں ویسی ہی جواں اور مدھ بھری راتیں ہوتی ہیں؟
کیا رات بھر اب بھی گیتوں کی اور پیار کی باتیں ہوتی ہیں؟
وہ حسن کے جادو چلتے ہیں وہ عشق کی گھاتیں ہوتی ہیں؟
او دیس سے آنے والے بتا!۔
کیا اب بھی وہاں کے پنگھٹ پر پِنہاریاں پانی بھرتی ہیں؟
آنگڑائی کا نقشہ بن بن کر، سب ماتھے پہ گاگر دھرتی ہیں؟
اور اپنے گھر کو جاتے ہوئے، ہنستی ہوئی چوہلیں کرتیں ہیں؟
او دیس سے آنے والے بتا!۔
کیا اب بھی پہاڑی گھاٹیوں میں، گھنگھور گھٹائیں گونجتی ہیں؟
ساحل کے گھنیرے پیڑوں میں، برکھا کی صدائیں گونجتی ہیں؟
جھینگر کے ترانے جاگتے ہیں، موروں کی صدائیں گونجتی ہیں؟
او دیس سے آنے والے بتا!۔
کیا اب بھی وہاں میلوں میں وہی برسات کا جوبن ہوتا ہے؟
پھیلے ہوئے بڑ کی شاخوں میں، جھولوں کا نشیمن ہوتا ہے؟
امڈے ہوئے بادل ہوتے ہیں، چھایا ہوا ساون ہوتا ہے؟
او دیس سے آنے والے بتا!۔
کیا اب بھی وہان برسات کے دن، باغوں میں بہاریں آتی ہیں؟
معصوم و حسیں دوشیزائیں، برکھا کے ترانے گاتی ہیں؟
اور تیتریوں کی طرح سے رنگيں جھولوں پر لہراتی ہيں؟
او دیس سے آنے والے بتا!۔
کیا پہلے سی ہے معصوم ابھی، وہ مدرسے کی شاداب فضا؟
کچھ بھولے ہوئے دن گزرے ہیں جس میں وہ مثالِ خواب فضا؟
وہ کھیل، وہ ہمسن، وہ میداں، وہ خواب گہِ مَہتاب فضا؟
او دیس سے آنے والے بتا!۔
کیا اب بھی کسی کے سینے میں باقی ہے ہماری چاہ بتا؟
کیا یاد ہمیں بھی کرتا ہے اب یاروں میں کوئی، آہ! بتا؟
او دیس سے آنے والے بتا، للّہ بتا للّہ بتا
او دیس سے آنے والے بتا!۔
کیا اب بھی فجر دم چرواہے، ریوڑ کو چرانے جاتے ہیں؟
اور شام کو دھندلے سایوں کے ہمراہ گھر کو آتے ہیں؟
اور اپنی رسیلی بانسریوں میں عشق کے نغمے گاتے ہیں؟
او دیس سے آنے والے بتا!۔
آخر میں یہ حسرت ہے کہ بتا، وہ غارتِ ایماں کیسی ہے؟
بچپن میں جو آفت ڈھاتی تھی وہ آفتِ دوراں کیسی ہے؟
ہم دونوں تھے جس کے پروانے وہ شمعِِ شبستاں کیسی ہے؟
او دیس سے آنے والے بتا!۔
مرجاناں تھا جس کا نام بتا، وہ غنچۂ دہن کس حال میں ہے؟
جس پر تھے فدا طفلانِ وطن، وہ جانِ وطن کس حال میں ہے؟
وہ سروِ چمن، وہ رشکِ وطن، وہ سیم بدن کس حال میں ہے؟
او دیس سے آنے والے بتا!۔
اب نامِ خدا ہوگی وہ جواں، میکے میں ہے یا سُسرال گئی؟
دوشیزہ ہے یا آفت میں اسےکمبخت جوانی ڈال گئی؟
گھر پر ہی رہی یا گھر سے گئی، خوشحال رہی، خوشحال گئی؟
او دیس سے آنے والے بتا!۔
کیا اب بھی ہمارے گاؤں میں، گھنگرو ہیں ہوا کے پاؤں میں؟
کیا آگ لگی ہے چھاؤں میں، موسم کا اشارہ کیسا ہے؟
اے دیس سے آنے والے بتا، وہ دیس ہمارا کیسا ہے؟
اختر شیرانی – احمد فراز
No comments:
Post a Comment