Jo Jalwa Gaah-e-Yaar Hai - Hz Zaheen Shah Taji

Recital: Shubha Mudgal

Recital by Shubha Mudgal

Jo jalwagah-e-yaar hai, vo dil yahi toh hai                
Ham jis jagah hein husn ki, manzil yahi toh hai

Khud ko na daikhna hai tujhe dekhane ki shart
Jo darmiyan hijaab hai, haayil yahi toh hai

Jo jalwagah-e-yaar hai, vo dil yahi toh hai

Har zaraa dil fareb hai, har jalwa jaan-navaz
Har gaam pe gumaah hai ke, manzil yahi toh hai

Jo jalwagah-e-yaar hai, vo dil yahi toh hai

Halki si aik mauj-e-tabassum mein beh gaya
Jo behr-e-bekanaar tha, vo dil yahi toh hai

Poetry:
Hz Zaheen Shah Taji

Jo jalwagah-e-yaar hai, vo dil yahi toh hai

Ab har ada e husn pe, hota hai yeh gumaan
Jo loot le gayii hai mera dil, yahi toh hai

Jo jalwagah-e-yaar hai, vo dil yahi toh hai

Dil mujh se keh raha hai, tere dil ki baat bhi
Aayina aayine ke mukaabil, yahi toh hai

Jo jalwagah-e-yaar hai, vo dil yahi toh hai

Dono jahaan ko teri muhabbat mein bhoolna
Ik baat yaad rakhane ke qaabil, yahi toh hai

Qawwal
 Abdullah Manzoor Niazi

Jo jalwagah-e-yaar hai, vo dil yahi toh hai

Ae doston Zaheen ko, pehchaanta hoon mein
Sab se alag jo sab mein hai, shaamil yahi toh hai
~ Hz Zaheen Shah Taji            


  
Recital: Qawwal Abdullah Manzoor Niazi