Raat bhar deeda-e-nam naak mein lehraatay rahe
saans ki tarha se aap aate rahe, jaate rahe
Khush thae hum apni tamaannaon ka, khwaab aaye ga
apna armaan barafganda naqaab aaye ga
Nazrein niichi kiye sharmaye huwe aaye ga
kakule chehre pe bikhraye huwe aaye ga
Aa gayee thii dil-e-muztar mein shakee-bayi si
baj rahi thi mere ghamkhaane mein shehnaayi si
Pattiyan khaedkin to samjha ke lo aap aa hi gaye
sajday masroor ke, masjood ko ham pa hi gaye
Shab ki jaage huwe, taaron ko bhi neend aane lagi
aap ke aane ki ik aas thi, ab jaane lagi
Suboh ne sej se uthte huwe li angrdai
O saba tu bhee jo aayee to akaili aayee
Mere mehboob, meri neend urdaanein waley,
mere masjood meri rooh pe chhane waley
Aa bhi jaa, taa ke mere sajdon ka armaan nikley,
aa bhi jaa taa ke tere qadmon pe meri jaan nikley
~ Makhdoom Mohiuddin (مخدوم محی الدین)
No comments:
Post a Comment