Dil mein ab yun tere bhuule huye gham aate hain ~ Faiz

Dil mein ab yun tere bhuule huye gham aate hain 
jaise bichhade huye kaabe mein sanam aate hain 

ik ik kar ke huye jaate hain taare raushan 
meri manzil ki taraf tere qadam aate hain 

raqs-e-may tez karo, saaz ki lay tez karo 
suu-e-maikhaana safiiraan-e-haram aate hain 

kuch hamein ko nahin ehasaan uthaane ka dimaag 
vo to jab aate hain maa_il-ba-karam aate hain 

aur kuch der na guzare shab-e-furqat se kaho 
dil bhi kam dukhata hai vo yaad bhi kam aate hain 

~ Faiz Ahmed Faiz

Ustad Mohammed Ahmed Warsi Nasiri Qawwal -  Live at Suresh Neotia's House
With thanks to Irfan Zuberi for sharing