Naatiya kalam by Hazrat Bedam Shah Warsi
Qawwal: Ustad Manzoor Hussain Khan Santoo
Qawwal: Ustad Manzoor Hussain Khan Santoo
Adam se laayi hai hasti mein aarzu-e-rasool
kahan kahan liye phirti hai justuju-e-rasool
Talash e naqsh e kafe paaye Mustafa ki qasam
chunein hein aankhon se zaraat-e-khaak-e-kooh-e-rasool
Balayein loon mein teri aye jazb-e-shoaq salle alla
ke aaj daman-e-dil khich raha hai soo-e-rasool
Shagufta gulshan-e-Zahra ka her gul e tar hai
kisi mein rung-e-Ali aur kisi mein bu-e-rasool
Ajab tamasha ho maidan-e-hashr mein Bedam
ke sab hon paish-e-Khuda aur mein ruh-ba-ruh-e-rasool
~ Bedam Shah Warsi
