Posheeda Posheeda by Sabri Brothers

Posheeda Posheeda
Poet: Ustaad Qamar Jalalwi

Just received a second version from Deepak Khatnani which I'd like to share.

It has a particularly endearing start that listeners will surely enjoy:

Do din bhi agar meri si halat ho jaye
Maalom shab e gham ki haqiqat ho jaye
Bejurm o khata mujh ko mitanay walay
Allah karay tujh ko mohabbat ho jaye

Ab sabr karo nala e paiham na karo
Jab mein he nahi hoon to mera gham na karo
Yeh apni ruswai hai apne haaton
Lillah meri laash pe maatam na karo

Wo un ko mera marg e nagahan nadeeda nadeeda
Sub ke hoonton pe tabassum tha mere qatl ke baad
Jaanay kya sooch ke rota raha qaatil tanha
Wo un ko mera marg e nagahan, nadeeda nadeeda

aur jigar bey chain laikin guftugu sanjeeda sanjeeda
ajab masti bhari aankhein magar tarseeda tarseeda
sar e baali tabassum lab pe dil ranjeeda ranjeeda
manaya ja raha hai mera gham posheeda posheeda

tamasha dekhiye mayree lehad se sar nahi uth'ta
mujhe khud he mita baithe hein, aur khud he pasehmaan hein
manaya ja raha hai mera gham posheeda posheeda

yeh kab se aa gayeen tabdeeliyan khayalon mein
huzoor kab se ghareebon kay khairkhuwah howay
manaya ja raha hai mera gham posheeda posheeda

dam-e-akheer qayamat yeh dha raha hai koi
ke mout aanay ko hai, aur ja raha hai koi
mere khuda, mujhe thori si zindagi day day
udaas mere janazay se ja raha hay koi, dekho
manaya ja raha hai mera gham posheeda posheeda

sabr-o- qaraar chheena, surat dikha ke tu ne
barbad ker dia dil, dil mein sama ke tu ne
basti ujaar dali, basti basa ke tu ne
aray apna bhi dil dukhaya, mujh ko mita ke tu ne
ab, manaya ja raha hai mera gham posheeda posheeda

bohot badnaam hoga hashr mein tu naam ke badle
unhein shohrat se kya matlab, jo hein Allah ke bande
yeh niyyat chor meri bandagi, dekhein jahan walay
mazaa jab hai ke dunya per na ho zahir tere sajde
khuda ki tu ibadat ker magar posheeda posheeda

sajdo ka sila jannat maange
Allah se yeh ujrat maange
karta hai ibadat ka souda
zahid na hoa mazdoor hoa
bus! khuda ki tu ibadat ker magar posheeda posheeda

kya ibadat hai teri jab ke tu yaksu he na tha
rabb to moujood tha, ay shaikh wahaan tu he na tha
dil hai behatka hoa bekaif nazar aata hai
tu ibadat mein bhi dunya ki khabar rakhta hai

aik din majnu ka aisa haal tha
yaad e laila mein sarapa choor tha
khaak e sehra chhanta phirta tha wo
wahaane laila her ghari karta tha wo

hoshiyari dekheiye deewane ki
sair karne chal dia veeranaey ki
aadmi aik parh raha tha wahan namaaz
dil mein kuch rakhta na tha sooz o guzaaz
ker raha tha wo namaz e haq adaa
majnu us ke samnay ho ker chala
khatam ker ke phir namaaz us ne kaha
tujh ko doon is fail ki mein kya saza
aa gaya meri ibadat mein khalal
samnay se tu gaya mere nikal
bola majnu ke mein ne laila ki qasam dekha nahi

bola majnu ke mein ne laila ki qasam dekha nahi
warna samnay sajde ke mein aata nahi
bola majnu ishq e laila mein sarapa choor tha
aur dekhne se mein tujhe majboor tha
per tu khuda ke samnay kaisa juhka
apni aankhon se raha tu dekhta
mujh ko to hai ishq fani zaat ka
tujh ko to hai ishq hai maula zaat ka
kia isi ko kehte hein sooz o gudaas
kia isi ko kehte hein sooz o gudaas
ja namaazi dekh li teri namaaz
bus! khuda ki tu ibadat ker magar posheeda posheed

kia isi ko kehte hein sooz o gudaas
ja namaazi dekh li teri namaaz
khuda ki tu ibadat ker magar poshida poshida

le ke tasbeeh aur musallah aik aabid chal diya
dhoondne Allah ko sehra mein wo rehne laga
aik hiran bhi saath mein us ke wahaan rehne laga
aur usi sehra mein wo bhi dorne phirne laga

aik din zahid ne pocha yaar ye kya baat hai
arsa e muddat se tera aur mera saath hai
tujh ko bethe dekhta hoon aur na sotay dekhta
ja baja phirta hai tu aur ya ke rehta hai khara

sun ke bola yeh hiran! ta'ajub ki kya baat hai
aashiqo ke wastay kya din hai aur kya raat hai
mere andar mushk hai mein is liyeh rehta hoon mast
tere ander ishq hai tu is liyeh rehta hai mast

mushk ki khushboo se hardam doorta phirta hoon mein
apni aankhon se khuda ko dekhta rehta hoon mein
us se milne ka tareeqa aa tu mujh se seekh le
ishq mein hasti mita de phir tu Allah dekh le

khuda ke waste zahid na ker numa'ishi sajde
khuda ki tu ibadat ker magar posheeda posheeda

jahan tak ho sakay mazloom ko ronay nahi dete
aur kisi nadaar ko bhooka kabhi sonay nahi dete
bakar e pardaposhi khalq per khone nahi dete
khabar is haath ki us haath ko honay nahi dete
sakhi khairat karte hein magar posheeda posheeda

tumhare samnay betha hoa hoon sakht mushkil mein
musafir jaisay aa jata hai wehshatnak manzil mein
bayaan karte hoay darta hoon jo kuch hai mere dil mein
buri kuch aur to baatein nahi hein teri mehfil mein
magar yeh chupke chupke guftugu posheeda posheeda

aur kisi ghar ki taraf takna kabhi phir mur ke ghabrana
kaheen per chandni ko dekh ker saaye mein chupp jana
qamar aik he na kya laakhon sitaro ne na pehchana
ajab andaaz se waday pe unka raat ko aana
dabay paaon nazar behki howi posheeda posheeda

manaya ja raha hai mera gham posheeda posheeda

Ishq Anokhi Peerd Ae - Kaafi by Ghulam Farid at BBC

Shafqat Ali Khan performs a Kaafi by Ghulam Farid at BBC Bush House, London, with Nafees Irfan on Tabla. Recording Engineer: John Andrew. Shot by Mazhar Zaidi, Directed and Edited by Nofil Naqvi.

Bhar Do Jholi Meri Ya Mohammad

Bhar Do Jholi
Shah E Madina Suno, Iltija Khuda K Liyeah
Karam Ho Mujh Pe Habibi E Khuda Khuda K Liyeah
Huzoor Uncha E Ummed Ub To Khil Ja'ay
Tumharay Der Ka Gada Hoon To Bhi Tum He Ja'ay?

Bhar Do Jholi, Bhar Do Jholi Meri Ya Muhammad
Lout Ker Mein Na Jaoon Ga Khali
Bhar Do Jholi Meri Ya Muhammad
Lout Ker Mein Na Jaoon Ga Khali
Bhar Do Jholi Meri Ya Muhammad
Lout Ker Mein Na Jaoon Ga Khali

Bhar Do Jholi, Bhar Do Jholi, Bhar Do Jholi Hum Sub Ki
Bhar Do Jholi, Bhar Do Jholi, Bhar Do Jholi Mohammad
Bhar Do Jholi Ata Ki Bhar Do Jholi
Bhar Do Jholi, Bhar Do Jholi, Bhar Do Jholi

Tumhare Aastanay Say Zamana Kya Nahi Paata
Koi Bhi Dar Say Khaali Mangnay Wala Nahi Jata

Tum Zamanay K Mukhtar Ho Ya Nabi
Bekasoon K Madadgaar Ho Ya Nabi
Sub Ki Suntay Ho Apne Ho Ya Ghair Ho
Tum Ghareebon K Ghamkhaar Ho Ya Nabi

Hum Hein Ranj-O-Musibat K Maray Hoay
Sakht Muskhil Say Hein Gham Say Haray HoayYa Nabi Kuch Khudara Hamein Bheek Do
Dar Pay Aain Hein Jholi Pasaray Hoay

Hein Mukhalif Zamana Kidhar Ja'ay Hum
Halat-E-Bekasi Kiss Ko Dikhla'ay Hum
Hum Tumhare Bhikari Hein Ya Mustafa
Kiss K Aagay Bhala Haath Phailaein Hum

Bhar Do Jholi Meri Ya Muhammad
Lout Ker Mein Na Jaoon Ga Khaali

Bhar Do Jholi Meri Ya Muhammad
Lout Ker Mein Na Jaoon Ga Khaali
Kuch Nawasoon Ka Sadqa Ata Hoo
Dar Pay Aaya Hoon Bun Ker Sawali

Haq Say Paayi Wo Shaan-E-Karimi
Marhaba! Dono Aalam K Waali
Us Ki Qismat Ka Chamka Sitara
Jiss Pe Nazr-E-Karam Tum Ne Daali

Zindagi Bakhsh Di Bandagi Ko
Aabro Deen-E-Haq Ki Bacha Li
Wo Muhammad Ka Pyara Nawasa
Jiss Ne Sajday Mein Gardan Kata Li

Zindagi Bakhsh Di Bandagi Ko
Aabro Deen E Haq Ki Bacha Li
Jo Ibn-E-Murtaza Ne Kia Kaam Khoob Hai
Qurbani-E-Hussain Ka Anjaan Khoob Hai

Qurbaan Ho Ke Fatima Zehra K Chain Ne
Deen-E-Khuda Ki Shaan Barhai Hussain Ne
Bakhshi Hai Jiss Ne Mazhab-E-Islam Ko Hayaat
Kitni Azeen Hazrat-E-Shabbir Ki Hai Zaat

Maidaan-E-Karbala Mein Shah-E-Khush Khisaal Nai
Sajday Mein Sir Kata K Muhammad K Laal Nai
To Zindagi Bakhsh Di Bandagi Ko
Aabro Deen-E-Haq Ki Bacha Li

Woh Muhammad Ka Pyara Nawasa
Jiss Ne Sajde Mein Gardan Kata Li
Woh Muhammad Ka Pyara Nawasa
Jiss Ne Sajde Mein Gardan Kata Li

Hashr Mein Un Ko Daikhein Gay Jiss Dam
Ummati Yeh Kahein Gay Khushi Say
Aa Rahay Hein Wo Daikho Muhammad
Jin K Kandhay Pay Kamli Hai Kaali

Mehshar K Rooz Paish-E-Khuda Hoon Gay Jiss Ghari
Hogi Gunaah Gaaron Mein Kiss Darja Bekali
Aatay Hoay Nabi Ko Jo Daikhein Gay Ummati
Ik Dosre Say Sub Yeh Kahein Gay Khushi Khushi

Aa Rahay Hein Wo Daikho Muhammad
Aa Rahay Hein Wo Daikho Muhammad
Aa Rahay Hein Wo Daikho Muhammad
Aa Rahay Hein Wo Daikho Muhammad

Sir-E-Mehshar Gunaah Gaaron Say Pursish Jiss Khari Hogi
Yaqeenan Her Bashar Ko Apni Bakshish Ki Pari Hogi
Sub He Ko Aas Us Dam Kamli Walay Say Lagi Hogi
K Aisay Mein Muhammad Ki Sawari Aa Rahi Hogi

Pukaray Ga Zamana Us Ghari Dukh Dard K Maaro
Na Ghabrao Gunaahgaaro! Na Ghabrao Gunaahgaaro!
Aa Rahay Hein Wo Daikho Muhammad
Jin K Kaandhay Pay Kamli Hai Kaali

Aashiq-E-Mustafa Ki Azaan Mei
Allah Allah Kitna Asar Tha

Sacha Yeh Waqia Hai Azaan-E-Bilal Ka
Ik Din Rasool-E-Paak Say Logo Ne Yoon Kaha
Ya Mustafa Azaan Ghalat Daitay Hein Bilal
Kahiyeh Huzoor Aap Ka Is Mei Hai Kya Khayal

Farmaya Mustafa Nai Yeh Such Hai To Daikhe
Tapte Sehr Ki Aaj Azaan Koi Aur Day
Hazrat Bilal Nai Jo Azaan-E-Sehr Na Di
Qudrat Khuda Ki Daikho Na Mutlak Sehr Howi

Hazrat Bilal Nai Jo Azaan-E-Sehr Na Di
Qudrat Khuda Ki Daikho Na Mutlak Sehr Howi
Aaye Nabi K Paas Phir Ashaab-E-Ba-Safa
Ki Arz Mustafa Say K Ya Shah-E-Ambiya

Hai Kya Sabab Sehr Na Howi Aaj Mustafa
Gibreal Laaye Aisay Mein Paighaam-E-Kibriya
Pehlay To Mustafa Ko Adab Say Kia Salaam
Baad-As-Salaam Un Ko Khuda Ka Dia Payaam

Yoon Gibreal Ne Kaha Khair-Ul-Anaam Say
K Allah Ko Hai Pyaar Tumhare Ghulaam Say
Yoon Gibreal Ne Kaha Khair-Ul-Anaam Say
Allah Ko Hai Pyaar Tumhare Ghulaam Say

Yoon Gibreal Ne Kaha Khair-Ul-Anaam Say
Allah Ko Hai Pyaar Tumhare Ghulaam Say
Farma Raha Hai Aaj Say Yeh Rub-Be-Zuljallal
K Hogi Na Subah Dein Gay Na Jab Tak Azaan Bilal

Aashiq-E-Mustafa Ki Azaan Mein
Allah Allah Kitna Asar Tha
Arsh Walay Bhi Sunn'tay Thay Jiss Ko
Kya Azaan Thi Azaaan-E-Bilali

Kaash Purnam Dayyar-E-Nabi Mein
Jeetay Ji Ho Bulawa Kisi Din
Haal-E-Gham Mustafa Ko Sunaaon
Thaam Ker Un K Rozay Ki Jaali

Haal-E-Gham Mustafa Ko Sunaaon
Thaam Ker Un K Rozay Ki Jaali
Bhar Do Jholi Meri Ya Muhammad
Lout Ker Mein Na Jaoon Ga Khaali

Tajdar-e-Haram : Ghulam Farid Sabri

minno suggested that we include this famous qawwali here so........

Tajdar-e-Haram
(Kingship of the House of God)

qismat mein meri chain say jeena likh day
doobay na kabhi mera safeena likh day
jannat bhi gawara hai magar mere liyeh
ay Qatib-e-tadqeer madina likh day

taajdaar-e-haram ho nigaah-e-karam
hum ghareebon k din bhi sanwar jain gay

chashm-e-rehmat bakusha soo-e-manandaaz nazar
ay qureshi laqabi hashmi o muttalabi

taajdaar-e-haram ho nigaah-e-karam ho karam

Ya Rasool Allah (SAW) ba ahwal e kharab e maa bibiin
Roo ba khaak uftaada am az sharmo isiyan dar zameen
Muznab e choon man na baashad dar tamami ummatat
Rehmatun bar haali ma ya Rehmatan Lil aalamiin (SAW)


taajdaar-e-haram ho nigaah-e-karam

Kya tum se kahun ay Rab ke kunwar (SAW) tum jaanat ho mann ki batiya
kar fursat to aiy Ummi Laqab (SAW) kate na katat hain ab ratiya
tori deed mein sud bud sub pisri kab tak ye rahegi bekhabari
taa hema fighan duzdeeda nazar kabhi sun bhi to lo humri batiya

taajdaar-e-haram ho nigaah-e-karam ho karam

kehna sabah Huzoor (SAW) se ki kehat hai ik gulam
bas ik nazar ho ek nazar ka sawal hai

ya Mustafa (SAW), ya Mujtaba(SAW), irham lana, dast e hama, bechara ra daamaan tui
man asiyam, man ajizam, man bekasam, haale mara, ya shafi e roze jaza (SAW) pursaan tui
ae mushqi be zanbar fishan, ae ke naseem e subh dam, ae charagar, zeeshan nafas
ae moonis e beemar e gham, ae qasid e farkhunda e tujh ko usi gul ki qasam

ey mushq bezam barzisha baiqe naseere subah dam

ey charagar essa nafas ey mulis e beemar e gham
ey qasid e farkhunda pe tujh ko usi gul ki qasam
in nilta ya rihas sabah youman ila ardil haram
baligh salami rouztan fihan Nabi al Mohtaram (SAW)

taajdaar-e-haram ho nigaah-e-karam
hum ghareebon k din bhi sanwar jain gay
hami e beqasa kya kahay ga jahaan
aap ke dar se khaali agar jain ge

koi apna nahi gham ke maray hein hum
aap ke dar pe faryaad laye hein hum
ho nigah e karam warna choukhat pe hum
aap ka naam le le ke mar jain ge

ho nigah e karam...

maikasho aao aao madina chalein
aao madine chalein aao madine chalein...
dukh dard o alam sub kat'te hein hasnain ke sadqe bat'te hein
maikasho aao aao madina chalein
aao madine chalein aao madine chalein...

tajallion ki ajab hai faza madine mein
nigah-e-shouq ki hai intiha madine mein
gham-e-hayat na khouf-e-qaza madine mein
namaaz-e-ishq karin ge adaa madine mein

idhar udhar na bhatak'te phiro khuda ke liyeh
barah-e-rast hai raah-e-khuda madine mein
madein chalein aao madine chalein aao madine chalein
maikasho aao aao madina chalein dast-e-saqi-e-kauser se pene chalein

yaad rakho agar uth gayi ik nazar, jitne khali hein sub jaam bhar jain ge
khouf-e-toofan hai bijlion ka hai dar, sakht mushkil hai aaqa kidhar jain hum
aap he gar na lain ge hamari khabar, hum musibat ke maray kidhar jain ge

taajdar e haram.

http://www.pakizm.com/nusrat/tajdareharam.htm

Mera Piya Ghar Aaya - Sabri brothers

Kalaam: Baba Bulleh Shah
Credits: sayyan on youtube

One of the best renditions of Baba Bulleh Shah's kalaam mera piya ghar aaya. The qawwals start off with great selection of verses by Khwaja Ghulam Farid and Sultan Bahu that builds the tempo for mera piya ghar aaya.