Ye Kis ne Nigahon se Sagar Pilaye - Ustad Aziz Ahmed Khan Warsi

Ye kis ne nigahon se sagar pilaye,
khudi par meri bekhudee ban ke chhaaye

Khabardar aye dil, Maqaam-e-adab hai,
kahin baadahnoshi pe dhabba na aaye.

Kayii baar ubhre, kayii baar doobe
kai baar toofan ke chakkar me aaye

Kissi ki mohabbat ne aisa duboya
bahut koshishein ki ubharne na paye

Mohabbat woh kya jiss mein khuddariyan ho
ibadat woh kya jiss mein paabandiyan ho

Hakikat mein Zahid wohi bandagi hai
jahan sar jhuke aastan jhoom jaaye

Kai baar saahil se takrai kashti
kai baar takra ke saahil pe aaye

Talash-o-talab mein woh lazzat mili hai
dua kar raha hun ke manzil na aaye.

Kya Kashish Husn-e-Beypanaah Mein hai - Jigar Muradabadi by Ustad Aziz Ahmed Khan Warsi

Kya kashish husn-e-beypanaah mein hai,

jo qadam hai usi ki raah mein hai

Maikade mein na khaanqaah mein hai,
jo tajalli dil-e-tabaah mein hai

Haaye woh raaz-e-gham ke jo ab tak,
tere dil mein meri nigaah mein hai

Ishq mein kaisi manzil-e-maqsood,
voh bhi ek gard hai jo raah mein hai

Main jahan hun tere khayaal mein hun,
tu jahan hai meri nigaah mein hai

Husn ko bhi kahan naseeb Jigar,
voh jo ek shai meri nigaah mein hai

~ Jigar Muradabadi  (1890–1960)

Vo Makkay ki galiyan, Madine ke kooche - Ustad Aziz Ahmed Khan Warsi

Kitna pyara andaaz hai aur kalam bhi khoobsoorat. Bohat aala!

Vo makkay ki galiyan, Madine ke kooche

Ustad Aziz Ahmed Khan Warsi

fiza baagh-e-jannat ki sharma rahi hai

Jo chamki thi aiman pe varq-e-tajjala
tere sabz gumbad pe lehra rahi hai, Ya Muhammad

Tarapta hai dil, khoon rotin hein aakhen
tabeeyat bohat aaj ghabra rahi hai

Ilahi Madine mein ponhcha de ham ko, ham sab ko
hamein kamli wale ki yaad aa rahi hai

Khuda ne kaha Mustafa se, Dulaare
ye mairaj ki shab hei, kyon chup ho pyare

Muhammad ne farmaya, aye mere Moala
mujhay apni ummat ki yaad aa rahi hai

Ameeron ke data, ghareebon ke waali
umeedon ki jholi hai muddat se khaali

Ghareebon ki faryaad, aye kamli wale
tere zard gumbad se takkra rahi hai

Ghareebon ke wali, na rakhein ge khali
shabab aaj aya hai, ban kar sawaali

Nawaason ka sadqa, luta hein Ahmad
ghareebon ki jholi bhari ja rahi hai

jis ne jo cheez maangi, vohi tu ne dii
dar se khaali na lauta bhikari koi

Maal-e-soz-e-gham haaye - Fani Badauni

Maal-e-soz-e-gham haaye! nihani dekhte jao
bhardak uthi hai shamma-e-zindagani dekhte jao

sunae jate na the tum se, mere din raat ke shikve
kafan sarkao, meri be-zubani daikhte jao

chale bhi aao wo hai qabr-e-fani dekhte jao
tum apne marne wale ke nishani dekhte jao

abhi kya hai kisi din khoon rulayega ye khamoshi
zuban-e-hal ki jadd-o-bayani dekhte jao

ghuroor-e-husn ka sadqa, koi jata hai duniya se
kisi ki khaak mein milti javani, dekhte jao

udhar munh pher kar kya zibah karte ho, idhar dekho!
meri gardan pe khanjar ki ravani dekhte jao

bahar-e-zindagi ka lutf dekha hai aur dekho ge
kisi ka aish marg-e-nagahani dekhte jao

wo utha shor-e-matam aakhari didar-e-mayyat par
ab utha chahate hain nash-e-fani dekhte jao

 ~ Fani Badauni

Iss ishq ke haathon se hargiz na mafar deikha - Jigar Muradabadi

Iss ishq ke haathon se hargiz na mafar deikha
Utni hi barhi hasrat jitna hi udhar dekha

Tha baaisey ruswaai har chand junoon meira
Unko bhi na chain aaya jab tak na idhar deikha

Yun dil ke tadhapne ka kuch tao hai sabab aakhir
Yaa dard ne karwat lee, yaa tumne idhar deikha

Maathey pa pasina kyuN aaNkhoN mein nami si kyuN
Kuch Khair tao hai tumne kya haal-e-jigar deikha

~ Jigar Muradabadi

Kabhi kaha na kisi se teray fasaane ko - Aziz Ahmed Khan Warsi

Kabhi kaha na kisi se teray fasaane ko
Na jaane kaisey khabar ho gayee zamanay ko

Chaman main barq naheen chodati kisi soorat
Tarah tarah se banata hoon aashiyanay ko

Sunaa hai ghair ki mehfil main tum na jao gey
Kaho to aaj sajaa loon ghareeb-khanay ko

Dua bahaar ki maangee to itanay phool khilay
Kaheen jagah na mili mere aashiyanay ko

Chaman main jana to sayyaad dekh kar jana
Akela chord kar aaya hoon aashiyanay ko

Meri lahad pe patanngon kaa khoon hotaa hai
Huzoor shamma na laayaa karein jalanay ko

Dabaa ke chal diye sab qabr main, duaa na salaam
Zaraa see der mein kya ho gaya zamanay ko

Qamar zara bhi nahin tum ko khauf e rusvayii
Chaley ho chandi shab mein unhein bulanein ko

 ~ Qamar Jalalvi

Dil Hi To Hai Na Sang-o-Khist - Mirza Ghalib - دل ہی تو ہے' نہ سنگ و خشت

Aziz Ahmed Khan Warsi sings Ghalib's ghazal - Dil hi to hai na Sang o Khisht:



Begum Akhtar sings Ghalib's ghazal - Dil hi to hai na Sang o Khisht:



Jagjit Singh sings Ghalib's ghazal - Dil hi to hai na Sang o Khisht:


Shafqat Amanat Ali - sings Ghalib's ghazal - Dil hi to hai na Sang o Khisht:

Dil Hi To Hai Na Sang-o-Khist
Dard Se Bhar Na Aaye Kyon?
Royenge Hum Hazaar Baar
Koyee Hamein Sataye Kyon?

Dair Nahin, Haram Nahin,
Dar Nahin, Aastan Nahin
Baithe Hain Reh-Guzar Pe Hum
Gair Hamein Uthaye Kyon?

Jab Veh Jamaal-e-Dilfaroze
Surte-Mehre Neem-Roze
Aap Hi Ho Nazaar-Soze
Parde Mein Munh Chuppaye Kyon?

Dashne-e-Gamaz Jaan-Sitan
Naavke-Naaz Bepanah
Tera Hi Akse-Rukh Sahi,
Saame Tere Aaye Kyon?

Kaide-Hayat-O-Band-e-Gam,
Asl Mein Dono Ek Hain
Maut Se Pehlre Aadmi
Gum Se Nijaat Paye Kyon?

Husn Aur Us Pe Husn-e-Zun
Reh Gayee Bulhavas Ki Sharm
Apne Pe Etmad Hai,
Gair Ko Aazmaye Kyon?

Van Veh Garure-Izz-o-Naaz
Yan Yeh Hijabe-Paase-Vazan
Raah Mein Hum Milen Kahan
Bazm Mein Veh Bulaye Kyon?

Han Voh Nahin Khuda Parasat
Jaao Veh Bewafa Sahi
Jisko Ho Dino-Dil Aziz
Uski Gali Mein Jaye Kyon?

Ghalib-e-Khast Ke Bagair
Kaunse Kaam Band Hain?
Roeeye Zar-Zar Kaya?
Keejiye Haye-Haye Kyon?

- Mirza Asadullah Khan Ghalib
(Translated from the original in Urdu)

Why should it not be full of pain,
merely a heart not a hard block of stone?
We shall cry ourselves a thousand times,
take jibes at us, why should anyone?

Not temple nor mosque, the Kaaba or a harem,
neither at a doorway nor a tomb or entrance.
We sit at common trodden pathways,
why remove us O unknown?

She, of the heart warming beauty,
resplendent as the noon sun.
Herself a vision to blast all others,
then why hide in a veil, all alone?

Piercing coquetry, bane of (my) life,
stinging endless arrows of pride.
Why would it come in front of you,
even if the image be your own?

Imprisoned by life or captive of grief,
both of them are one and the same.
Can man before death, in life itself
ever find all his sorrows gone?

Beauty and, with it, self estimation,
saved my lusty rival from indiscretions.
She had confidence on herself,
why then would she try this glutton?

There, she is arrogant and brimming with pride,
here a humble humility about ourselves.
Where do we meet on the streets,
why'd she invite us to meets of her own?

Yes I know she does not believe,
given she is unfaithful even.
Those who prize faith and fidelity,
to her lane, why'd they be shown?

Without the broken Ghalib, this world,
would surely not come to a stop.
Why cry so bitterly then,
why make such a pitiful moan?

------

دل ہی تو ہے‘ نہ سنگ و خشت‘ درد سے بھر نہ آئے کیوں؟

روئیں گے ہم ہزار بار‘ کوئی ہمیں ستائے کیوں؟

دیر نہیں‘ حرم نہیں‘ در نہیں‘ آستاں نہیں

بیٹھے ہیں رہگزر پہ ہم‘ غیر ہمیں اٹھائے کیوں؟

جب وہ جمالِ دلفروز‘ صورتِ مہرِ نیمروز

آپ ہی ہو نظارہ سوز‘ پردے میں منہ چھپائے کیوں؟

دشنۂ غمزہ جاں ستاں‘ ناوکِ ناز بے پناہ

تیرا ہی عکسِ رخ سہی‘ سامنے تیرے آئے کیوں؟

قیدِ حیات و بندِ غم‘ اصل میں دونوں ایک ہیں

موت سے پہلے‘ آدمی غم سے نجات پائے کیوں؟

حسن اور اس پہ حسنِ ظن‘ رہ گئی بو الہوس کی شرم

اپنے پہ اعتماد ہے‘ غیر کو آزمائے کیوں؟

واں وہ غرورِ عز و ناز‘ یاں یہ حجابِ پاس وضع

راہ میں ہم ملیں کہاں؟ بزم میں وہ بلائے کیوں؟

ہاں‘ وہ نہیں خدا پرست‘ جاؤ‘ وہ بیوفا سہی

جس کو ہو دین و دل عزیز‘ اس کی گلی میں جائے کیوں؟

غالبؔ خستہ کے بغیر‘ کون سے کام بند ہیں!

روئیے زار زار کیا؟ کیجیے ہائے ہائے کیوں؟